Azərbaycanda bu universitetin tələbələri üçün müasir tipli yataqxanalar tikiləcək-Özəl
10 Sentyabr 2015 12:34 (UTC+04:00)
Azərbaycanda tələbələr üçün müasir tipli yataqxanaların inşasına
başlanılıb. Movqe.az-ın xəbərinə görə, Gəncədə Azərbaycan Dövlət
Aqrar Universitetinin tələbələri üçün universitetdən 40-50
metr məsafədə yataqxanalar ilin sonunadək tikilib istifadəyə
veriləcək. Kənd Təsərüfatı Nazirliyinin mətbuat xidmətinin rəhbəri
Murtuzəli Hacıyev Movqe.az-a açıqlamasında bildirib ki,
Gəncədə Azərbaycan Dövlət Aqrar Universitetinin tələbələri
üçün yataqxananın inşası Azərbaycan Respublikası
Prezidentinin 2015-ci il 3 aprel tarixli Sərəncamı ilə təsdiq
edilmiş, 2015-ci ilin Azərbaycan Respublikasında "Kənd təsərrüfatı
ili" elan edilməsi ilə bağlı Tədbirlər Planına əsasən aparılır:
"Tədbirlər Planında göstərilib ki, Azərbaycan Dövlət Aqrar
Universitetinin tələbələrinin yaşayış şəraitinin yaxşılaşdırılması
üçün yataqxanaların tikintisi, tələbələrin sosial müdafiəsinin
gücləndirilməsi və məzunların işlə təminatı səviyyəsinin
yüksəldilməsi üçün tədbirlərin görülməsi Kənd Təsərrüfatı
Nazirliyi, Azərbaycan Dövlət Aqrar Universitetinə tapşırılıb.
İşlərin icra müddəti IV rüb üçün nəzərdə tutulub.