Bakı Apellyasiya Məhkəməsində qətldə təqsirləndirilən Məhəmməəli İmaməliyevin barəsində olan hökmdən verilən apellyasiya şikayəti əsasında məhkəmə prosesi başlayıb.
Movqe.az-ın məlumatına görə, ilkin baxış iclasında təqsirləndirilən şəxsin anket məlumatları dəqiqləşdirilib. Məhkəmənin baxış iclası sentyabrın 17-nə təyin edilib.
Qeyd edək ki, 1997-ci il təvəllüdlü M. İmamaəliyev münaqişə zəminində 1994-cü il təvəllüdlü Rəşad Məcidzadəni bıçaqlayaraq qətlə yetirib.
Bakı Ağır Cinayətlər Məhkəməsinin hökmü ilə M. İmaməliyev 7 il 6 ay müddətinə azadlıqdan məhrum edilib. Hökmdən narazı qalan zərərçəkmiş şəxsin nümayəndəsi apellyasiya şikayəti verərək onun cəzasının artırılmasını istəyib.