ABŞ Beynəlxalq İnkişaf Agentliyinin (USAID) Azərbaycan üzrə yeni missiya direktoru vəzifələrinin icrasına başlayıb.
Movqe.az-ın USAID-in yerli nümayəndəliyinə istinadən verdiyi məlumata görə, xanım Mikaela Meredis (Mikaela Meredith) bu vəzifəyə təyin olunmazdan əvvəl Vaşinqtondakı baş ofisdə üç aparıcı vəzifədə çalışıb. USAID-da çalışdığı 25 il ərzində o, Yaxın Şərq, Afrika və Şərqi Avropada müxtəlif vəzifələrdə işləyib.
Azərbaycan üzrə missiya direktoru kimi M. Meredis USAID-in Azərbaycanın prioritetlərinə dəstək verən proqramlara rəhbərlik edəcək. "USAID-in inkişaf proqramlarının uğurları üzərində işi davam etdirməyə və hökumət tərəfdaşlarıyla hazırki əməkdaşlığı gücləndirməyə ümid edirəm", - deyə o bildirib.
USAID Azərbaycan xalqının həyatını yaxşılaşdırmaq məqsədilə 1990-ci ildən350 milyon ABŞ dollarından çox vəsait xərcləyib.