Rusiyanın Mərkəzi Hərbi Dairəsində ilin ən genişmiqyaslı təlimləri olan "Mərkəz-2015" hərbi təlimləri başlayıb.
Movqe.az-ın məlumatına görə, bu barədə Rusiya Müdafiə Nazirliyinin mətbuat xidməti məlumat yayıb.
Təlimlərə 95 min hərbi qulluqçu, 7 min hərbi texnika və silah-sursat, 170-ə qədər təyyarə və 20 gəmi cəlb olunub.
Manevrlər çərçivəsində Kollektiv Təhlükəsizlik Müqaviləsi Təşkilatına üzv dövlətlərin hərbi idarəetmə orqanlarının koalisyon qoşun qruplaşmasını idarə etməyə hazırlıq səviyyəsi qiymətləndiriləcək.
Praktik fəaliyyətlərin müxtəlif mərhələləri 20 quru, dəniz və aviasiya poliqonlarında, Mərkəz və Cənub hərbi dairələrində keçiriləcək.
Qeyd edək ki, "Mərkəz-2015" strateji komanda qərargah təlimləri sentyabrın 20-dək davam edəcək.