Azərbaycan ilk telekommunikasiya peykini yanvarda orbitə buraxacaq
9 Oktyabr 2012 14:43 (UTC+04:00)
Azərbaycanın ilk
süni telekommunikasiya peyki "Azerspace-1" 2013-cü ilin yanvar
ayında orbitə buraxılacaq.
"APA-ECONOMICS"in məlumatına
görə, bunu rabitə və informasiya texnologiyaları nazirinin müavini
İltimas Məmmədov bildirib.
Qeyd edək ki, "Azerspace-1" telekommunikasiya peykinin Cənubi
Amerikada Fransa Qvianasında yerləşən Kuru kosmodromundan
geostasionar orbitə çıxarılması planlaşdırılır. Peykin istehsalı
isə ABŞ-ın "Orbital Sciences" şirkəti tərəfindən aparılıb. Bu ilin
avqust ayında peykin orbitə çıxarılması və orbitdə bir illik
istismar dövrü üçün Böyük Britaniyanın "Marsh" sığorta brokeri
vasitəsi ilə peykin sığortalanması üzrə müqavilə
imzalanıb.