Parisde Edvard Hopperin əsərlərindən ibarət sərgi keçirilib
10 Oktyabr 2012 12:21 (UTC+04:00)
Movqe.Az xəbər verir ki, Parisdə ilk dəfə
olaraq məşhur Amerikalı rəssam Edvard Hopperin əsərlərindən ibarət
sərgi açılıb. Sərgidə yer alan "Gecyatanlar" tablosu rəssamın ən
məşhur işlərindəndir. 1942-cı ildə çəkilən əsərdə fırça ustası
Nyu-Yorkdakı qəlyanaltıxanaların birində əyləşən 3 tənha şəxsi
təsvir edib. Rəssam bu işində, 20-ci əsrdə mövcüd olan şəhər
tənhalığı öz əksini tapıb. Edvard Hopper Avropada tanınan az sayda
Amerikalı realist rəssamlardan biridir. Ekspozisiya , rəssamın
yaradıcılığını analiz etmək istəyənlər üçün yaxşı imkan yaradıb.
Sərgi iki hissədən ibarətdir. Birinci hissədə Hopperin gənc
yaradıcılıq dövrü , yani rəssamın 1900-1924-cü illərdə Nyu-Yorkun
incəsənət məktəbində təhsil aldığı dövrü əks edilib. İkinci hissə
isə artıq Hopperin yetişmiş rəssam kimi püxtələşməsindən xəbər
verir , burada xronoloji ardıcılıqla ömrünün sonuna qədər onun
çəkdiyi ən məşhur işlər sərgilənir.Bu hissədə Hopperin əsərlərinə
xas olan əsas xüsusiyyətlər -müasir Amerika realizmini daha aydın
görmək olar. 43 yaşında şöhrət tapan rəssam Fransada bir neçə dəfə
olsa da, 1906-cı ildə burada daha uzun müddət -1 ilə yaxın qalıb.
Burada olduğu müddətdə Hopper, Edqar Deqanın yaradıcılığından
təsirlənərək impressionism üslubuna müraciət edib. Sərgidə rəssamın
həmin dövrdə Parisin qalereya və salonlarında gördüyü rəsmlərdən
ilhamlanaraq yaratdığı işlər də təqdim olunub.Sərginin məqsədi
Hopperin Amerika realizmini dərk etməsini , onun üslubu ilə tanış
olmayan Fransa tamaşaçılarına çatdırmaqddan ibarətdir. Yelisey
çöllərindəki Böyük Sarayın milli qalereyasının 2 mərtəbəsini əhatə
edən sərgi yanvarın 28-nə qədər davam edəcək.