Azərbaycanda televiziya aparıcısının meyiti tapılıb
11 Oktyabr 2012 18:01 (UTC+04:00)
Azərbaycanda
televiziya işçisi naməlum şəraitdə ölüb.
Yevlax Rayon Prokurorluğundan APA-ya verilən məlumata görə, hadisə
oktyabrın 10-da qeydə alınıb. Rayonda fəaliyyət göstərən "EL"
televiziyasının aparıcısı, 22 yaşlı Lətif Lətifovun meyiti yaşadığı
evdə tapılıb. Meyitin üzərinə baxış keçirilərkən onun ürək
nahiyəsindən aldığı 3 bıçaq xəsarətindən öldüyü müəyyənləşib.
Baş vermiş hadisə ilə bağlı ilkin olaraq Cinayət Məcəlləsinin
125-ci (özünü öldürmə həddinə çatdırma) maddəsi ilə cinayət işi
başlanıb, istintaq aparılır.
Onu da qeyd edək ki, mərhumun intihar etməsi və ya qəsdən
öldürülməsi hələlik dəqiq məlum deyil. Hər bir halda L. Lətifovun
ürəyindən 3 dəfə zərbə endirməsi inandırıcı deyil. Belə olan halda
onun qətlə yetirilməsi də istisna edilmir.