Bakının bəzi küçə və prospektlərində avtomobillərin hərəkəti məhdudlaşdırılacaq
13 Oktyabr 2012 14:51 (UTC+04:00)
Oktyabrın 15-16-da Bakının bəzi küçə və prospektlərində
avtomobillərin hərəkəti məhdudlaşdırılacaq.
Bakı Şəhər Dövlət Yol Polisi İdarəsindən APA-ya verilən məlumata
görə, hərəkətin məhdudlaşdırılması oktyabrın 15-də Bakıda
keçiriləcək İqtisadi Əməkdaşlıq Təşkilatı (İƏT) Nazirlər Şurasının
20-ci iclası, oktyabrın 16-da isə Zirvə Toplantısı ilə
əlaqədardır.
Belə ki, iki gün ərzində paytaxtın Heydər Əliyev, Neftçilər,
Bülbül, İnşaatçılar prospektlərində, Yusif Səfərov, Afiyəddin
Cəlilov, Üzeyir Hacıbəyli, Zərifə Əliyeva, Niyazi, İstiqlaliyyət,
Rəşid Behbudov, 28 May, Bakıxanov, Koroğlu Rəhimov küçələrində,
eləcə də "Azneft meydanı" və "Qələbə meydanı" istiqamətinə şəxsi
nəqliyyat vasitələrinin hərəkətinə məhdudiyyət qoyulacaq.
İdarə sürücü və avtomobil sahiblərini qeyd olunan küçə və
prospektlər istiqamətində şəxsi nəqliyyat vasitələrindən istifadə
etməməyə, ictimai nəqliyyat vasitələrinə üstünlük verməyə çağırır.