"Manchester United"in baş məşqçisi Lui van Qaal "Everton"la oyundan sonra (3:0) fikirlərini bölüşüb. Movqe.az Goal.az-a istinadən məlumat verir ki, holland mütəxəsis Memfis Depayı ehtiyatda saxlamasının səbəbini də izah edib.
"Bəziləri komandanın oyun fəlsəfəsinə uyğunlaşa bilmir. Bunu önləmək qeyri-mümkündür. Bu və ya digər futbolçunun güclü tərəfləri var. Əvvəl belə hadisələr Di Maria və Falkao ilə da baş vermişdi. Hər ikisi əla futbolçudur. Amma komandanın oyun fəlsəfəsinə uyğunlaşmaq lazımdır. Söhbət təkcə Memfisdən yox, komandanın bütün yeni oyunçularından gedir".