Baş Prokurorluq Quba hadisələrində saxlanılan şəxslərə təzyiq göstərilməsi məsələsinə aydınlıq gətirdi.
Qurumun mətbuat xidmətindən verilən məlumata görə, bəzi
kütləvi informasiya vasitələrində "Xəyal" müstəqil teleradio
şirkətinin icraçı direktoru Vüqar Qonaqov və baş redaktoru Zaur
Quliyevin müdafiə hüquqlarının pozulması, onlara təzyiq
göstərilərək müdafiəçilərdən imtina etmələrinin tələb olunması
hallarına yol verilməsi barədə əsassız və həqiqətə uyğun olmayan
məlumatlar dərc edilib.
"Həmin informasiyalar hadisələrin əsl mahiyyətini təhrif etmək,
ictimaiyyətin fikrini yayındırmaq və istintaqın normal gedişinə
mane olmaq məqsədi güddüyündən tərəfimizdən qəti şəkildə təkzib
olunur" – deyə, Baş Prokurorluqdan bildirilib.