Bakıda 8 nəfərin xəsarət alması ilə nəticələnən yol qəzası baş verib.
Qaradağ rayon Polis İdarəsindən verilən məlumata görə, oktyabrın 29-da rayonun Lökbatan qəsəbəsində Bakı şəhər sakini Novruz Əliyevin idarə etdiyi "Daewoo" markalı sərnişin avtobusu və Masallı rayon sakini Qoşqar Ağalarovun idarə etdiyi "Ford" markalı mikroavtobus toqquşub. Nəticədə Q.Ağalarov və 7 sərnişini xəstəxanaya yerləşdirilib.
Kliniki Tibbi Mərkəzdən Trend-ə verilən məlumata görə, hazırda yaralıların vəziyyəti qənaətbəxş hesab olunur və onların sağlıq durumları ilə bağlı ciddi problemləri yoxdur.