Bill Geyts "Microsoft"da
22 Oktyabr 2012 17:50 (UTC+04:00)
Movqe.Az bildirir ki, "Microsoft"un
qurucusu Bill Qeyts, CEO kreslosunu tərk etdiyi gündən bu yana bu
nəhəng şirkətə bir daha gəlməyib. Bundan əvvəl, dəfələrlə bir də
"Microsoft"da hər hansı bir mövqedə çalışmayacağını söyləyən Bill,
hal-hazırda bütün diqqətini "Bill and Melinde Gates Foundation"
adlı xeyriyyə təşkilatına yönəltmiş vəziyyətdədir. Keçən həftə
Qeyts, "Microsoft"un "Redmond"dakı ofisinə xüsusi səfər edərək
dedi-qodulara hədəf olub. Ancaq işin əsli qısa müddətdə məlum olub.
CEO kreslosunda oturan Stiv Ballmer və şirkət əməkdaşları ilə
görüşən Qeytst verdiyi müsahibədə, "Microsoft" qurulduğundan bu
yana 30 illik müddətdə edilən 31.000 ədəd qeyri-kommersiya və
ictimai məsuliyyət üzrə layihələr nəticəsində toplanan pulun bir
milyard dollara çatmasını qeyd etmək üçün şirkətdə olduğunu
bildirib. "Employee Giving Campaing" adı altında icra edilən
kampaniyaların bir milyard dollara qədər inanılmaz bir rəqəmi
toplaya bildikləri üçün xoşbəxtlik duyduğunu söyləyən Qeyts,
"Microsoft"un bu sahədə böyük bir şirkət olduğunu da vurğulayıb.