Ermənistan ordusu işğal etdiyi Azərbaycan torpaqlarında hərbi təlimlər keçirib
23 Oktyabr 2012 11:21 (UTC+04:00)
Ermənistan Silahlı Qüvvələrinin
işğal etdiyi Azərbaycan torpaqlarında hərbi təlimlər
keçirilib.APA-nın məlumatına görə,
təlimləri işğalçı Ermənistanın prezidenti Serj Sərkisyan və işğal
altında olan Azərbaycan torpaqlarında fəaliyyət göstərən separatçı
rejimin rəhbəri, "DQR prezidenti" Bako Saakyan da
izləyib.
Ermənistan prezidentinin mətbuat xidmətinin yaydığı məlumata görə,
Serj Sərkisyanı işğal olunmuş Azərbaycan torpaqlarına səfəri zamanı
müdafiə naziri Seyran Ohanyan, yüksək rütbəli hərbçilər müşayiət
ediblər. Sərkisyan qoşunların təmas xəttindəki mövqelərə baş çəkib,
qondarma "Dağlıq Qarabağ ordusu"nunu hərbi hazırlığı ilə tanış
olub. Ermənistan prezidenti həmçinin işğalçı hərbi birləşmələrdən
birinin zabitlərinə yeni tikilmiş mənzillərin verilməsində də
iştirak edib.