Qadınlar kökəlir, kişilər isə arıqlayırlar
25 Oktyabr 2012 18:05 (UTC+04:00)
Movqe.Az bildirir ki, İngiltərədə bir evdə
yaşayan cütlüklər arasında aparılan araşdırmaya görə, qadınların
birlikdə yaşamağa başladıqdan sonra kiloları artır, kişilərin isə
kiloları azalır. Araşdırmaya qatılan qadınların üçdə biri,
çəkilərinin artdığı üçün daha az yemək yediklərini açıqlayıb.
Kişilərin üçdə biri isə daha az yemək yemə meylində olduqlarını
bildirib. Kişilərin əksəriyyəti daha çox salat və qatıq kimi
yeməkləri artırdıqları üçün kilolarının azaldığını düşünürlər.
Mütəxəssislərə görə, birlikdə yemək hazırlayan cütlüklər,
ümumiyyətlə hansı qidalara ehtiyacları olduğunu nəzərə almırlar və
hazırladıqları yeməkləri bərabər miqdarda yeyirlər.
Cütlüklər, alış-veriş zamanı da bənzər mövqe sərgiləyirlər.
Qadınların 90 faizi kişilərlə birlikdə bazarlığa çıxdıqları zaman
daha çox ət alırlar. Dietoloq Fiona Hanter, qadın və kişilərin
fərqli qidalara ehtiyac duyduğunu və bu səbəblə, davamlı bu şəkildə
qidalanmanın sağlamlıqlarına zərər verə biləcəyini bildirib. "Daily
Mail"in xəbərinə görə, kişilər daha çox B vitamininə ehtiyac duyur,
qadınların xüsusilə hamiləlik dövründə fol turşusuna ehtiyacı
artır.