“Ermənistan hökuməti seçkilər ərəfəsində öz xalqını aldadır”
28 Oktyabr 2012 11:27 (UTC+04:00)
"Ermənistan hökuməti seçkilər ərəfəsində siyasi divident qazanmaq
üçün, Avstraliyanın işğal altında olan Dağlılıq Qarabağın
müstəqilliyinin tanıması barədə yalan məlumat verməklə öz xalqını
aldadır".
Bunu APA-ya açıqlamasında Azərbaycan Xarici İşlər Nazirliyinin
mətbuat xidmətinin rəhbəri Elman Abdullayev deyib.
E. Abdullayev vurğulayıb ki, xalqların öz müqəddəratını
müəyyənləşdirməsi və müstəqilliyin tanınması prinsipləri tamamilə
fərqli anlayışdır: "Əgər xalqların öz müqəddəratını təyin etməsi
prinsipi dövlətin ərazi bütövlüyü anlayışı ilə ziddiyyət təşkil
edirsə, bu prinsip barədə danışıla bilməz. Azərbaycan xalqların öz
müqəddəratını təyin etməsi hüququna hörmətlə yanaşır, lakin bu
dövlətin ərazi bütövlüyü çərçivəsində reallaşa bilər. Mən ərazi
bütövlüyü pozulmadan xalqların öz müqəddəratını təyin etməsi
prinsipinin təmin olunduğu bir neçə dövləti misal gətirə bilərəm,
yeri gəlmişkən, həmin ölkələrdən bəziləri coğrafi baxımından
Azərbaycana yaxındır".
E. Abdullayev deyib ki, Ermənistan rəhbərliyi diaspora vasitəsilə
ölkəsinin ictimai fikri ilə manipulyasiya etməyə çalışır: " Onlar
erməni xalqını inandırmağa çalışırlar ki, guya Avstraliya işğal
altında olan ərazilərin müstəqilliyini tanıyıb. Avstraliya rəsmi
səviyyədə dəfələrlə Azərbaycanın ərazi bütövlüyünü və suverenliyini
dəstəklədiyini bəyan edib. Bundan başqa, Avstraliya hökuməti öz
vətəndaşlarına Ermənistan tərəfindən işğal olmuş Azərbaycan
ərazilərinə getməməklə bağlı çağırış edib".