Jurnalisti yandırdılar
30 Oktyabr 2012 16:35 (UTC+04:00)
Movqe.az xəbər verir ki, Cənubi Amerika
ölkələrindən olan Boliviyada bir jurnalistin aparıcılıq etdiyi
canlı radio proqramı əsnasında təcavüzkarlar tərəfindən atəşə
verildiyi bildirilib. BBC-nin xəbərinə görə ölkənin cənubundakı
Yacuiba şəhərindəki "Radio Popular" ın studiyasına hücum edən 4
maskalı təcavüzkar sərhəd bölgəsindəki qaçaqçılıqla əlaqədar
proqram təqdim edən Fernando Vidalın üzərinə benzin tökərək
alovlandırıb. Hücumda ağır yaralanan 78 yaşlı Vidal və
mühəndis Karen Anza xəstəxanaya aparılıb. Hücumdan sonra radio
kanalından şərh söyləyən Vidalın kürəkəni Esteban Farfan üzündən,
qollarından və sinəsindən yaralanan jurnalistin vəziyyətinin ağır
olduğunu bildirib. Hücumun ardınca 3 şübhəli şəxs nəzarət
altına alınıb.