Şarbon xəstəliyi yenidən yayılıb
31 Oktyabr 2012 16:00 (UTC+04:00)
Movqe.Az bildirir ki, Qazaxıstanda sonuncu
dəfə 1978-ci ildə təsbit edilən şarbon xəstəliyi yenidən yayılıb.
Almatı Əyaləti Mərkəzi Xəstəxanasına müraciət edən 4 adamda şarbon
virusu təsbit edilib. Xəstələrdən üçünün vəziyyətlərinin ağır
olduğu bildirilir. Xəstəliyə tutulanların yaşadığı Canalıq kəndi
isə karantin altına alınıb. Eyni kənddə 34 il əvvəl yayılan
şarbon epidemiyası səbəbiylə bütün heyvanlar tələf edilmişdi.