Varlılar üçün "sualtı limuzin"
3 Dekabr 2012 17:45 (UTC+04:00)
Movqe.Az bildirir ki, "U-Boat Worx" adlı
şirkət, pulu bol müştərilərin sualtında hərəkət etmək keyfi yaşaya
bilmələri üçün bir dənizaltı gəmi yaratmaq üçün çalışırlar.
Şirkətin "dənizaltı Limuzini" olaraq təyin etdikləri "C-Explorer
5", sərnişinlərinə elmi-fantastik filmlərdə olduğu kimi sualtı
əyləncə yaşadacaq. Prototipi Fransanın Monako şəhərində
sentyabr ayında təşkil ediləcək şouda izləyicilərə göstəriləcək
"C-Explorer 5", 2.4 milyon dollara satışa təqdim ediləcək. "CE5",
300 metr dərinlikdəki təzyiqə dözə biləcək şəkildə hazırlanıb,
sürəti isə saatda təxminən 6 kilometrdir. Sualtı limuzin, təxminən
8 saat batareya saxlama imkanına sahibdir. Hollandiyalı
mühəndislər, hər hansı bir səbəbdən ötəri suların dibində qalma
riskini aradan qaldırmaq üçün bu müddəti 16 saata qədər artırmaq
istəyirlər. Əgər dənizaltı gəminin lityum iyon batareyası tükənərsə
və suyun dibində qalarsa, sərnişinlərin kömək gələnə qədər 96 saat
oksigeni olacaq. İki ədəd 2kWs pərvanəsi olan "CE5", eyni zamanda
manevr edə bilmək üçün də iki ədəd 1.2 kWs pəvanə saxlayır.
"Dənizaltı limuzin"in ən təsirli qisimi isə sərnişinlərin rahatlığı
üçün hazırlanmış olduqca lüks daxili dizaynıdır. Ventilyasiya və
LED işıqlandırma, su altındakı mənzərəni seyr edərkən daha rahat
bir mühit yaratmaq üçün düşünülüb. "CE5", eyni zamanda, lazım olsa
kömək çağıran, HD video çəkilişi edən, uzaqdan əmrli əlavə bir
cihaza sahibdir.