Təyyarədə ilan sancdı
4 Dekabr 2012 17:02 (UTC+04:00)
Movqe.Az bildirir ki, Misir Hava Yollarının
paytaxt Qahirədən Küveytə gedən sərnişin təyyarəsində baş verən
ilan hadisəsi təyyarənin məcburi eniş etməsinə səbəb olub. Misir
Hava Yolları, Qahirədən Küveytə gedən 610 səfər saylı təyyarənin
işçi qrupunun, təyyarənin hərəkət etmə zamanı kuveytli bir
sərnişinin qışqırığı ilə çaşdığını, sonra da sərnişini ilanın
sancdığını anladıqlarını" bildirib. İlanın təyyarədəki
təhlükəsizlik qrupu tərəfindən təsirsiz hala gətirildiyi və pilotun
Misirin cənub-şərqindəki "Gırdaka" hava limanına təcili eniş üçün
icazə istədiyi bildirilib. İlanın sancdığı kuveytli sərnişin
müalicə üçün "Gırdaka" hava limanına aparılıb. İlanın təyyarəyə
necə girdiyi ilə bağlı isə məlumat verilməyib.