7 nəfəri xilas edən şagird mükafatlandırıldı
7 Dekabr 2012 18:00 (UTC+04:00)
Movqe.Az bildirir ki, Rusiyada gölə uçan
mikroavtobusun görüntüləri internetdə yayılıb. Mikroavtobusda
qapalı qalan 7 adamı qurtaran rus şagird qəhrəman elan edilib.
Keçdiyimiz günlərdə, Rusiyanın Çelyabinsk şəhərində bir
mikroavtobus əsas yolda idarəsini itirərək qəzaya uğrayıb. Qəzada
can itkisi olmayıb, Pavel Raqojin adlı şagird həyatını riskə ataraq
7 adamı boğulmaqdan xilas edib. Qəzayla əlaqədar rus mətbuatına
müsahibə verən şagird Ragojin baş verənləri izah edib. Hadisə
zamanı mikroavtobusun ən arxa oturacağında oturduğunu söyləyən
Ragojin, mikroavtobusu yoldan çıxdığını və zərbənin təsiri ilə
bütün şüşələrin qırıldığını bildirib. Ragojin, "Mikroavtobus
dayanan zaman dərhal qırıq şüşədən atıldım və sərnişinləri çəkərək
çıxardım. Bununla bərabər, yanımdakı digər bir sərnişin də mənim
kimi sərnişinləri xilas etməyə çalışırdı. Mikroavtobus suya batdı."
şəklində danışaraq hadisəni izah edib. Qəzadan sonra gecələri yata
bilmədiyini söyləyən rus şagird, "Hadisənin necə baş verdiyi heç
ağlımdan çıxmır." deyib. Qəhrəman elan edilən rus şagirdə oxuduğu
universitet mükafat olaraq 5 min rubl verib. FHN isə ona mükafat
verəcəyini açıqlayıb. Avtobusdan öz imkanları ilə çıxmağı bacaran
və sərnişinləri xilas etməyə çalışan ikinci qəhrəman isə
xəstəxanada nəzarət altında saxlanılır.