"Hotmail"ə əlvida!
10 Dekabr 2012 17:39 (UTC+04:00)
Movqe.az xəbər verir ki, "Microsoft" bu
həftədən etibarən "Hotmail" istifadəçilərinə "Outlook.com"a
keçmələri üçün xəbərdarlıq edəcək. Əvvəlcə "Hotmail"ə girən
istifadəçilərə "Outlook.com"a keçid etmələri istiqamətində kiçik
bir qutucuq içində xatırlatma mesajı göndəriləcək. Beləcə 25 milyon
abunəçiyə çatan "Outlook.com" xidmətinin əhatə dairəsi daha da
genişlənmiş olacaq. "Microsoft"un qarşısındakı ən böyük çətinlik
"Hotmail"in interfeysinə və adına örgəşmiş istifadəçilərin
"Outlook.com"a keçişdə müqavimət göstərməsidir. Proqram
nəhəngi vaxt keçdikcə bu problemin də öhdəsindən gəlməyi ümid edir.