Nərimanov, Nizami, Xətai, Suraxanıda damlardan su çənləri yığışdırılacaq
10 Dekabr 2012 18:20 (UTC+04:00)
Məlum olduğu kimi "Azərsu" Açıq Səhmdar Cəmiyyəti əhalinin içməli
su təchizatının yaxşılaşdırılması istiqamətində müxtəlif tədbirlər
görür. Əhalinin fasiləsiz içməli su ilə təmin edilməsi fonunda isə
diqqət çəkən məsələlərdən biri də binaların damlarındakı su
çənlərinin yığışdırılması iləbağlıdır.
Buməsələ ilə bağlı mövcud vəziyyət nə yerdə olduğunu, damlardan su
çənlərinin yığışdırılması prosesinin Bakının hansı rayonlarını
əhatə edəcəyini öyrənmək üçün Mövqe. Az saytı Azərsu" Səhmdar
Cəmiyyəti mətbuat xidmətinin rəhbəri Anar Cəbrayıllıya müraciət
edib.
Anar Cəbrayıllı məsələ ilə bağlı aşağıdakıları bildirib: " Birinci
onu qeyd edim ki, "Azərsu" ASC hansı ərazilərdə ki, əhaliyə 24 saat
su verə bilir, həmin ərazilərdə binaların üstündə yerləşdirilmiş,
hətta 5-10 ton tutumu olan su çənlərinin yığışdırlması ilə bağlı
məsələ qaldırıb. Yerli rayon icra hakimiyyətləri, mənzil istismar
sahələri, bələdiyyələr bu təklifi müsbət qarşılayıblar. 24 saat su
ehtiyatı olduqdan sonra çənlərə elə bir ciddi ehtiyac qalmır. Bu
gün Bakı şəhərində əhalinin böyük bir qisminin həm evin içində, həm
də evin üstündə su çənləri var. Bizim bu təklifimiz müsbət
qarşılanıb. Artıq Bakının Binəqədi, Nəsimi və Yasamal rayonlarının
hansı ərazilərində ki, 24 saat su verilir, həmin ərazilərdə su
çənlərinin yığışdırılması istiqamətində işlər aparılır. Binəqədi və
Yasamal rayonlarında bu istiqamətdə böyük işlər görülüb. Növbəti
mərhələdə bu işlər digər rayonlarda, Nərimanov, Nizami, Xətai,
Suraxanıda da davam etdiriləcək. Ümumiyyətlə bu çənlərin
yığışdırılmasının nə kimi müsbət cəhədləri var? Bunun bir neçə
müsbət cəhəti var. Birinci müsbət cəhət ondan ibarətdir ki,
binaların üstündə olan çənlər təhlükə mənbəyidir. Bu çənlərin dolu
qalması binanın konstruksiyasına ziyan vurur. Uzun müddət
istismarda olan binalarda lift şaxtalarının üstündə hətta su
çənləri quraşdırırdılar. Mənzil Istismar Sahələrinin rəislərinin
bizə verdiyi məlumata görə, 2000-ci ilin noyabrında baş vermiş
zəlzələ zamanı dövlət qurumlarından onlara məktub gəlib ki,
çənlərin yığışdırılmasını təmin etsinlər. Çünki, bu, zəlzələ vaxtı
təsirsiz ötüşmür.
"Azərsu" ASC üçün bunun nə kimi xeyri var? Çənlərin yığışdırılması
bizə ikitərəfli xeyirdir. Həm su sayğacdan keçir, həm də ki,
israfçılığın qarşısı alınır. Binəqədi rayonunun Naxçivani küçəsi
27, 28, 29 ünvanlarında bu işlər həyata keçirilib. Hər bir abonent
üçün Smartkart sayğac quraşdırılıb, əənlərlə əlaqə kəsilib. Orda
3-4 dəfə su sərfiyatı azalıb, ödəniş 100% təmin olunub. Ümumiyyətlə
"Azərsu" ASC-nin gələcək planları belədir ki, zirzəmilərdə olan
köhnə su xətləri yenilənsin, hər bir abonent üçün Smartkart
sayğacın quraşdırılsın. Biz çənlərin götürülməsi zamanı
vətəndaşlarla söhbət edirik Vətəndaşların çoxu bunun tərəfdarıdır.
Niyə tərəfdarıdır? Çünki, onlar deyir ki, bir çox hallarda həmin
çənlərdən axan su binanın dam örtüyünü zədələyir və başqa fəsadlar
törədir. Ümumiyyətlə, 24 saat hardaki su vermək mümkündür, orda
çənlərin yığışdırılması zəruridir, vacibdir"