Region gəncləri arasında könüllülüyün təşviqi başa çatdı
11 Dekabr 2012 19:27 (UTC+04:00)
Movqe.Az xəbər verir ki, "Vətəndaş
Cəmiyyətinin İnkişafına Kömək" Gənclər İctimai Birliyinin
Azərbaycan Gənclər Fondu tərəfindən maliyyələşdirilən "Region
gəncləri arasında könüllülüyün təşviq olunması" layihəsi başa
çatdı.
Əsas məqsədi region gəncləri arasında könüllülüyün təşviq edilməsi
və gücləndirilməsi olan layihə Bakı və Sumqayıt şəhərlərində icra
olunmuşdur.
4 ay davam edən layihə çərçivəsində əsasən gənclərdə könüllülük
işinə maraq oyadılmış, zəruri təbliğat və maarifləndirmə işləri
aparılmış, könüllü təşəbbüslər üzə çıxarılmış, onlar dəstəklənmiş,
könüllülər qrupu formalaşdırılmış və birgə layihələr icra
edilib.
Layihəni uzun müddət davam etdirmək, eləcə də layihə məqsədlərinin
bütün regionlarda yayılması üçün təşkilat tərəfindən qeyri-formal
"Könüllülük Məktəbi" də yaradılmışdır. Məktəi daha çox gəncin
silsilə olaraq, könüllülük bacarıqlarına yiyələnməsinə və bu işin
Azərbaycanda daha çox yayılmasına kömək etməyi nəzərdə tutur.
Yüzlərlə gənci əhatə edən bu layihə Azərbaycanda çalışan xarici
könüllülərin yerlərdə könüllü fəaliyyətlə məşğul olmaq istəyən
gənclərə praktik tövsiyələr verməsinə də şərait yaradıb.
Qeyd edək ki, növbəti ildən bu layihənin digər şəhər və rayonlarda
davam etdirilməsi nəzərdə tutulub.