Yeni vəzifəyə təyin olunmağımın heç bir siyasi anlamı yoxdur. Bunu Azərbaycan Respublikası Prezidentinin Müdafiə məsələləri üzrə köməkçisi xidmətinin Müdafiə məsələləri şöbəsinin müdiri Məhərrəm Əliyev jurnalistlərə açıqlamasında deyib.
Yeni vəzifəyə təyin olunması barədə mətbuatda yayılan fikirlərə münasibət bildirən M. Əliyev "sadəcə, əvvəl başqa vəzifədə çalışırdım, indi isə yeni vəzifəyə təyin olunmuşam. Göründüyü kimi, hazırda fəaliyyət göstərirəm", - deyə bildirib.
Şöbə müdiri onu da deyib ki, Azərbaycan Ordusu nəinki regionda, hətta bir çox dövlətlərin ordularından belə irəlidə gedən ordudur: "Hazırda dövlət tərəfindən orduya daha çox diqqət yetirilir. Ordumuz daha hazırlıqlıdır. Hesab edirəm ki, Azərbaycan ordusu torpaqlarımızı qorumağa, işğal altında olan Azərbaycan ərazilərini azad etməyə qadirdir".