Rusiyadan Suriya bəyanatı
14 Dekabr 2012 19:20 (UTC+04:00)
Movqe.az xəbər verir ki, Rusiya Xarici
İşlər Nazirliyi Rusiya xarici işlər nazirinin müavini və Dövlət
Başçısı Vladimir Putinin Yaxın Şərq üzrə xüsusi nümayəndəsi Mixail
Boqdanovun dünən Əsəd rəhbərliyilə bağlı hər hansı bir şərh
etmədiyini bildirib. Nazirlikdən edilən şərhdə,xarici işlər naziri
müavinin dünən etdiyi nitqi əsnasında yalnız Suriya müxalifətinin
vəziyyətilə bağlı məsələyə toxunduğu bildirilib. Rusiya rəsmi
agentlikləri, dünən Boqdanovun, Suriyalı müxaliflərin vətəndaş
müharibəsinin qalibi ola biləcəyini, Əsəd rəhbərliyinin ölkədə
nəzarəti itirməyə başladığını söylədiyi xəbərini yaymışdı.