Təcrübəli siyasətçi nişanlanıb
17 Dekabr 2012 16:35 (UTC+04:00)
Movqe.Az bildirir ki, 5-ci dəfə baş
nazirliyə namizədlik irəli sürərək bir il sonra siyasət dünyasına
təkrar daxil olan Silvio Berluskoni nişanlanıb. Berluskoni,
aralarında 49 yaş fərq olan Françeska Paskale ilə nişanlandığını və
artıq özünü tək hiss etmədiyini söyləyib. İtaliyada bir ildir
dildən-dilə gəzən dedi-qodu Silvio Berluskoni tərəfindən
təsdiqlənib. Dünən axşam "Canal 5"də yayımlanan "Domenica Live"
proqramına qonaq olan, 76 yaşlı təcrübəli siyasətçi Berluskoni,
aparıcı Barbara De Ursonun israrlı sualı qarşısında, "Bəli
nişanlandım. Napolili bir qadınla. Aramızda 49 yaş fərq var. Onun
28 yaşı var və adı Françeskadır." deyib. Nişanlısının çox gözəl bir
qadın olduğunu dilə gətirən Berluskoni, "Amma daxili daha gözəldir.
Ciddi əxlaqi prinsipləri var və mənim daima yanımdadır." deyə yeni
sevgilisini izah edib və "O, məni, mən də onu çox sevirəm ."
deyərək sevgisini elan edib. 7 il əvvəl tanış olduqlarını söyləyən
Berluskoni, necə aşiq olduğunu isə belə izah edib, "Françeska,
Napolidə "Silvio sənin üçün darıxırıq" adlı bir fan klubun
rəhbəridir. Mənimlə tanış olmaq üçün pul yığıb, Sardunya adası
sahillərinə bir təyyarə göndərir və arxasına da, "Silvio sənin üçün
darıxırıq" yazdırıb. Sonra isə, "Silvio sənin üçün darıxdım"
yazmağa başlayıb. Bax belə tanış olmuşuq."