Almaniyada itlərin qoşqu ilə yarışı keçirilib
17 Dekabr 2012 16:57 (UTC+04:00)
Movqe.Az xəbər verir ki, Almaniyanın
cənubunda "Qara Meşə" adlı dağ massivində itlərin qoşqu ilə yarışı
keçirilib. Ən çox öz gözəl təbiəti və ququ quşu saatları ilə məşhur
olan bölgədə bu yarışlar sayca altıncı dəfədir ki, təşkil edilir.
İki gün davam edən yarışda onlarla dörd ayaqlı mübarizə aparıb.
Havanın yarış üçün əlverişsiz olması səbəbindən
iştirakçıların bəziləri məyus olub. Günəş çıxdıqdan bəzi yerlərdə
qar əriyib, bu isə yarışın planlaşdırdığı kimi keçməsinə mane olub.
Lakin ümumilikdə bu yarışın gedişatına əngəl olmayıb. İştirakçılar
yarışı meşədə qarın çox olduğu yerlərdə keçirib. Burada isə əksinə
qar çox olduğundan itlər kirşələri yerindən tərpətmeyə çətinlik
çəkib. Təşkilatçılar bildiriblər ki, qoşquya bağlanan itlər yalnız
insanın ən yaxın dostu deyil həmdə komandanın çox vacib üzvləri
hesab olunurlar. Yarış iştirakçılarından biri Joerg Kirxovun
sözlərinə görə yarışa hazırlıq və itlərin təlimi hələ ilin
əvvəlində, yay aylarından başlanır. Qoşqu ilə yarışlar üçün ən çox
Sibir laykası, Alyaska malamutu və ağ samoyed layka cinsinə aid
itlərdən istifadə olunur.