"21 dekabr" üçün sakitləşdirici dərmanlar alınır
18 Dekabr 2012 19:11 (UTC+04:00)
Movqe.Az bildirir ki, Maya təqviminin
bitdiyi 21 dekabr 2012-ci ildə qiyamətin qopacağına inanan Rusiya
vətəndaşları evlərinə sakitləşdirici dərmanlar almağa başlayıblar.
Rusiya Əczaxana Birliyinin məlumatlarına görə, sakitləşdirici
dərmanlar almaq üzrə başda Moskva olmaqla bir çox şəhərlərdə artım
görülüb. Rus xalqının xüsusilə bahalı məhsullar arasında yer alan
kosmetik məhsulları da almaları diqqət çəkir. "Interfax"a mövzu ilə
əlaqədar məlumat verən Əczaxana Birliyi rəsmisi, tələb edilən
məhsullar arasında ot və təbii bitkilərdən hazırlanan
sakitləşdiricilərin çox alındığını söyləyib. Rusiya Meteorologiya
Mərkəzi, 20-23 dekabr tarixlərində hər hansı bir fövqəladə vəziyyət
gözləmədiklərini açıqlayıb.