“Utancverici mövqedəsiniz”
19 Dekabr 2012 14:16 (UTC+04:00)
"Xocalı aeroportunun açılması məsələsində ATƏT-in Minsk qrupunun
həmsədrləri utancverici mövqe tuturlar".
Movqe.Az-ın məlumatına görə, bunu Azərbaycan xarici işlər nazirinin
müavini Araz Əzimov deyib. A. Əzimov bu məsələ ilə bağlı Minsk
Qrupuna ciddi irad tutub: "Onlar anlamalıdırlar ki, Ermənistan bu
cür təhrikçi addımı atsa, böyük böhran yarana bilər. Minsk Qrupu
bilməlidir ki, Azərbaycan bu qeyri-qanuni aktı heç vaxt
bağışlamayacaq və susmayacaq".
Nazir müavininin fikrincə, həmsədrlər bir çox halda lazım olan
prinsipiallığı göstərməyiblər.
Ermənistanın danışıqlar prosesindən qaçmasının prezident seçkiləri
ilə bağlılığı barədə sualı cavablandıran A. Əzimov bildirib ki,
seçkilər hər 5 ildən bir keçirilir, odur ki, Ermənistanın bu
addımını seçkilərlə izah etmək olmaz: "Məsələ ondadır ki,
Ermənistan rəhbərliyi məsələnin həllində, ümumiyyətlə, maraqlı
deyil".