"Nokia" da tablet istehsal edəcək
19 Dekabr 2012 17:09 (UTC+04:00)
Movqe.Az bildirir ki, Nokianın mobil
texnologiya cərəyanına uyğun gələrək bir tablet kompüter çıxaracağı
söz-söhbətləri texnologiya dünyasını bürümüş vəziyyətdədir. "Lumia"
ardıcıllığıyla telefon bazarında güc qazanan Nokia, bir çox
texnologiya nəhəngi kimi tablet kompüter çıxarmağa hazırlaşır. Bu
məlumatın qaynağı isə texnologiya saytlarına müsahibə verən Nokia
rəsmiləridir. "Digitimes" saytına müsahibə verən və adının
açıqlanmasını istəməyən qaynaqlar, Nokianın çip istehsalçısı
"Qualcomm" ilə danışıqlar apardığını və tablet kompüteri üçün
"Snapdragon S4" prosessorunu istifadə etmək istədiyini bildiriblər.
Bundan əlavə, "Microsoft"un "Surface" tabletini təqdim etməsiylə,
Nokianın tablet layihələrinin təxirə salındığı söylənilib. Verilən
məlumatlara görə, Nokia 2012-ci ilin birinci rübündə bir "Windows"
tablet təqdim etməyi planlaşdırıb. Hətta, 200 min məhsulun test
edilməsi üçün tayvanlı elektron məhsul montajçısı "Compal
Electronics" ilə razılaşma da edib. Lakin "Microsoft"un öz
tabletini təqdim etməsi və finlandiyalı idarəçilərin yeni əməliyyat
sistemi haqqında şübhələri, Nokia tablet kompüteri üzərindəki
layihəni təxirə salıb.