Qız qaçıranlara ağır cəza veriləcək
21 Dekabr 2012 15:50 (UTC+04:00)
Movqe.Az bildirir ki, Qız qaçırma
hadisələrinin çox məşhur olduğu Qırğızıstanda böyük cəzalar tətbiq
olunacaq. Qırğızıstan Parlamentində bu gün qəbul edilən yeni
qanunla qız qaçıranlara ağır cəza veriləcək. Qırğızıstan
Parlamenti, qız qaçıranlar 7 ilə 10 il arasında dəyişən ağır həbs
cəzasıyla cəzalandırılması istiqamətindəki qanunu qəbul edib.
Bununla da, qız qaçırma qanuni olmayan "insan qaçırma" cinayəti
olaraq qiymətləndiriləcək. Buna görə qız qaçıran şəxs və ya şəxslər
7 il ilə10 il arasında dəyişən həbs cəzasıyla cəzalandırılacaq.
Qırğızıstanda hər il orta hesabla 10 mindən çox qız qaçırma
hadisəsinin baş verdiyi bildirilib.