“İRƏLİ” – də “Hədəf, motivasiya və özünə güvən” mövzusunda seminar keçirilib
22 Dekabr 2012 22:51 (UTC+04:00)
Mövqe. az xəbər verir ki, bu gün "İRƏLİ" Təlim və Karyera
Mərkəzində təlimçi İsmayıl Vəliyev olmaqla "İnsan Kapitalı"
layihəsi çərçivəsində "Hədəf, motivasiya və özünə güvən" mövzusunda
seminar keçirilib. Təlimin əsas məqsədi, insanlara gələcək
fəaliyyətlərində hədəfin seçilməsi, hədəfə düzgün zərbə,
motivasiyanın fərdi olaraq yüksəldilməsi, özünəgüvən yaratmağın
yolları və s. haqda biliklərinin artırılmasıdır. "İRƏLİ" Təlim və
Karyera Mərkəzinin rəhbəri Nicat Hacızadə Mövqe.az –a açıqlamsında
bildirdi ki, tədbir, "İnsan Kapitalı" layihəsidi: "Bizə ölkə
prezidenti cənab İlham Əliyevin göstərişi ilə neft kapitalının
insan kapitalına çevrilməsi bildirilib. Biz də başda bunu tutaraq
və eyni zamanda gənclər təşkilatı kimi "İRƏLİ"-nin də əsas
məqsədlərindən biri insan kapitalını yüksəltməkdir. Bu da
dövlətimizin başlıca siyasətidir. Layihə çərçivəsində formal və
qeyri – formal təhsilə üstünlük verəcəyik. Lakin nisbətən əsas
üstünlük qeyri – formal təhsilə veriləcək. Çünki, formal təhsil ali
məktəblərdə tədris olunur. Ancaq xarici təcrübədən də görünür ki,
liderlik, hədəfyönümlü biznes treninqləri və buna uyğun digər qeyri
– formal təlimlər universitetlərdə verilmir. Hazırda isə gənclərin
iş yerlərində, kariyeralarında bunlar əsas rol oynadığı üçün, biz
bunları nəzərdə tutmuşuq. İnsan kapitalı təkcə bundan ibarət deyil.
Biz insanlara kapital qoyduqdan sonra onları sərbəst buraxmırıq.
İnsanlara tək bu layihədə yox, daimi, hüquq mərkəzinin hüquq, tarix
mərkəzinin tarix layihəsində və ya iqtisad mərkəzi iqtisadi
biliklərini artırmaq üçün layihələr də nəzərdə planlaşdırmışıq. Ki,
buradan ayrılandan sonra gələcək fəaliyyətlərində çətinliklərlə
üzləşməsinlər".