Bu ilin yanvar-oktyabr ayları ərzində Azərbaycan taxıl
istehsalını ötən ilin yanvar-oktyabr aylarına nisbətən 22,9%
artırıb. Dövlət Statistika Komitəsindən verilən məlumata görə,
hesabat dövründə ölkədə 2 306,1 min ton taxıl (qarğıdalısız)
istehsal olunub ki, bu da ötən ilin analoji dövrünə nisbətən 23,7%
çoxdur. Dən üçün qarğıdalıya gəldikdə isə Azərbaycan 2011-ci ilin
yanvar-oktyabr aylarında bu məhsulun yığımını 10,6% artıraraq 149,8
min tona çatdırıb.
"Ümumiyyətlə, hesabat dövründə ölkədə 2 455,9 min ton taxıl
istehsal olunub ki, bu da keçən ilin ilk on ayına nisbətən 22,9%
çoxdur", - deyə komitədən bildirilib.