Yeni rəqibi "X Phone"dur

25 Dekabr 2012 17:43 (UTC+04:00)

Movqe.az xəbər verir ki, "Google" ABŞ istehsalı mobil telefonu istehsalçısı "Motorola"nı tərkibinə daxil etməsindən sonra "Apple" və "Samsung"un məşhur "ağıllı" telefonlarına rəqib olan yeni bir məhsulu inkişaf etdirir. Mövzuya yaxın qaynaqların "WSJ"yə verdiyi məlumata görə Motorola mühəndisləri iPhone və satış rekordları qıran "Samsung"un Galaxy ardıcıllığına rəqib bir model inkişaf etdirmək üçün gecə-gündüz çalışır. Yeni modelin adının "X Phone" olacağı və telefonun gələn il satışa çıxarılmaq istəndiyi bildirilib. "Google" yeddi ay əvvəl "Motorola"nı 12,5 milyard dollara satın almışdı.