Lenin Mavzoleyi 4 ay bağlı olacaq
26 Dekabr 2012 16:03 (UTC+04:00)
Movqe.Az bildirir ki, Rusiyanın tarixi
Qırmızı Meydanında yer alan Sovetlər Birliyinin qurucusu Vladimir
Leninə aid Mavzoley yenidənqurma səbəbi ilə 4 ay ziyarətə
bağlanılıb. Ağ bir çadırla örtülən mavzoleyin ətrafı da qırmızı
brandalarla əhatəyə alınıb. Mavzoleyin tikilməsindən bu günə qədər
ilk dəfə böyük bir təmirdən keçəcəyi söylənilir. Mavzoleyin içində
mumiyalanmış vəziyyətdə saxlanılan Leninin cəsədi ilə əlaqədar isə
hər hansı bir əməliyyat aparılmayacaq. Federal Qoruma Xidməti
işçisi Stanislav Kyuverin verdiyi müsahibəsində, mavzoleyin
xarici səthinin yağış və qar səbəbi ilə zərər gördüyü, zəmində də
oynamalar olduğunu bildirib. 30 aprelə qədər tamamlanması planlanan
modernizasiya işləri ilə mavzoley yenilənəcək. Leninin cəsədinin
mumiya içindən çıxarılaraq torpağa basdırılması ilə əlaqədar
müzakirələr isə davam edir. Son olaraq Rusiya lideri Vladimir
Putin, Leninin basdırılmayacağını söyləmişdi.