Milyard dollarlıq "ayaqaltı" fakturası
27 Dekabr 2012 16:20 (UTC+04:00)
Movqe.Az bildirir ki, Yapon avtomobil
nəhəngi Toyota, ABŞ-da açılan yüzlərlə iddiada uzlaşma təmin etmək
üçün 1.1 milyard dollar təzminat ödəməyi qəbul edib. Razılaşmaya
uyğun olaraq Toyota, avtomobillərdə təhlükəsizlik mövzusunda edilən
dəyişikliklərin xərclərini və bunların səbəb olduğu iqtisadi
zərərləri qarşılamaq üçün avtomobil sahiblərinə təzminat ödəyəcək.
Toyota, avtomobillərdəki ayaqaltıların qaz pedalına ilişməsi
səbəbiylə 2009-cu ildən bu yana dünya səviyyəsində 14 milyon
avtomobili bazardan geri çəkib. Avtomobil sahibləri, ani sürətlənmə
probleminin ayaqaltıya ilişməsindən deyil, Toyota texnologiyasından
qaynaqlandığını irəli sürürlər. Uzlaşmanın ABŞ-dakı hakim
tərəfindən təsdiqlənməsi lazımdır. Toyotanın ABŞ Qrup Başçı
köməkçisi Kristofer Reynoldsun verdiyi məlumatda, uzlaşmanın "çətin
bir qərar" olduğunu, çünki qaz pedallarının etibarlı olduğunun
təsbit edildiyini bildirib. Ancaq Reynolds bu səhifəni bağlamanın
şirkət və müştəriləri üçün daha xeyirli olacağını vurğulayıb. Hakim
Ceyms Selna uzlaşma mövzusunda 28 dekabrda qərar verəcək.