Gizli Suriya görüşü
27 Dekabr 2012 16:47 (UTC+04:00)
Movqe.Az xəbər verir ki, İsrailin baş
naziri Benyamin Netanyahu ilə İordaniya Kralı Abdullah arasında
gizli görüş keçirilib. Bu barədə ictimaiyyətə İsrailin ordu radiosu
məlumat yayıb. Verilən məlumata görə, İordaniyanın paytaxtı Əmman
şəhərində baş tutan görüşdə Suriyadakı mövcud durum müzakirə
edilib.
Qeyd edək ki, hər iki ölkənin lideri gizli görüş zamanı
Bəşşar Əsədin sahib olduğu kimyəvi silahların zərəsizləşdirilməsi
barədə təkliflərini irəli sürüb. Görüşün təfərrüatı barədə mətbuata
məlumat verilməsə də, Əsəd hakimiyyətinin devrilməsində tərəflərin
birgə fəaliyyət göstərməsi təsdiqlənib.