Metro gözləyən adamı relslərə itələdi
28 Dekabr 2012 14:12 (UTC+04:00)
Movqe.Az bildirir ki, Nyu Yorkda metro
stansiyasında platformadan relslərə itələnilən bir adam qatarın
altında qalaraq dünyasını dəyişib. Nyu York polisinin jurnalistlərə
verdiyi məlumata görə, "Queens"'də 40-cı prospekt üzərindəki metro
stansiyasında 20 yaşlarında bir qadın qatarın platformaya
yaxınlaşdığı sırada birdən oturduğu kreslodan qalxaraq platformada
gözləyən bir adamı relslərə itələyib. Qatarın altında qalan adam
elə hadisə yerində dünyasını dəyişib. Qadının hadisədən sonra
stansiyadan qaçdığı, polisin şübhəlinin tutmaq üçün araşdırma
başlatdığı bildirilib. Ədəb şahidlərinin qadınla adam arasında hər
hansı bir dialoqun reallaşmadığını və hər hansı bir tanışlıq
əlaməti göstərmədiklərini izah etdikləri qeyd edilib. Nyu York
metrosunda son bir ayda artıq ikinci dəfədir ki belə hadisə
yaşanır. Yenə "Queens"də meydana gələn hadisədə Ki-Sak Xan adlı bir
nəfər mübahisə etdiyi adam tərəfindən relslərə itələnib və qatarın
altında qalaraq vəfat edib.