İstanbul şəhərində Dünya Azərbaycanlılarının Həmrəyliyi Günü və Yeni İl münasibətilə bayram şənliyi keçirilib

Dekabrın 29-da Azərbaycanı İstabuldak baş konsulu Həsən Zeynalovun təşəbbüsü ilə "Qrant Heyyet" otelində 31 Dekabr - Dünya Azərbaycanlılarının Həmrəyliyi Günü və Yeni İl münasibətilə bayram şənliyi təşkil olunub. Mərasimdə Millət vəkili Sabir Rüstəmxanlı, Azəri  - Türk Qadınlar Birliyinin sədri Tənzilə Rüstəmxanlı, İstanbul şəhərində yaşayan çox sayda diaspor nümayəndələri, konsul Emma Heydərova, Azərbaycandan dəvət olunmuş incəsənət xadimləri, Türkiyə ictimaiyyətinin nümayəndələri, elm adamları, İstambulda təhsil alan tələbələrimiz, müxtəlif qurumların və ictimai birliklərin təmsilçiləri və konsulluğun əməkdaşları iştirak ediblər.

Tədbiri giriş sözü ilə acan Azərbaycanın İstanbuldakı baş konsulu Həsən Zeynalov Dünya Azərbaycanlılarının Həmrəyliyi Gününün əhəmiyyətindən danışıb və Azərbaycan prezidenti İlham Əliyevin qeyd olunan bayram münasibət ilə dünya azərbaycanlılarına ünvanladığı müraciətini oxuyub. Sonda Həsən Zeynalov Dünya Azərbaycanlılarının Həmrəyliyi Günü və Yeni il münasibəti ilə tədbir iştirakçılarını təbrik edib. Mərasimdə çıxış edən Dünya Azərbaycanlıları Konqresinin sədri, millət Vəkili Sabir Rüstəmxanlı Həmrəylik Gününün önəmindən danışıblar. Bundan sonra şənlikdə il ərzində Azərbaycanın təbliği ilə bağlı tədbirlərdə fəal iştirak edən soydaşlarımız Baş Konsulluğun təşəkkürnamələri ilə təltif ediliblər. Daha sonra tədbir iştirakçılarına ziyafət verilib və mərasim geniş konsert proqramı ilə davam edib.