Yapon əhalisinin sayı rekord səviyyədə azalır
1 Yanvar 2013 13:40 (UTC+04:00)
Movqe.az xəbər verir ki, dünyanın ən böyük
üçüncü iqtisadiyyatına malik olan Yaponiyanın əhalisinin sayı
sürətlə azalır. Əhalisinin yaşlanmasının gətirib çıxardığı
problemlərlə üzləşən Yaponiyada ötən il rekord dərəcədə insan sayı
azalıb. Səhiyyə Nazirliyinin 2011-ci il üçün nümayiş etdiyi
hesabata görə, əhalinin 212 min nəfər azalması gözlənilir. 2011-ci
ildə əhali azalması 200 mini ilk dəfə aşmışdı. 2011-ci ildə yeni
doğulanların sayı 1 milyon 33 min olsa da, 2012-ci ildə bu rəqəmin
18 min nəfər azalacağı qeyd edilib. Milli Əhali İnstitutu və
İctimai Təhlükəsizlik Araşdırma Mərkəzi, 2060-cı ildə də ölkə
əhalisinin 86 milyon olacağını təxmin etdiyini açıqlamışdı.
Yaponiyanın əhalisinin sayı 2005-ci ildən bu yana azalır. Ötən il
baş verən sunami fəlakətində minlərlə insanın həlak olmasına
baxmayaraq ölən insan sayı 1 milyon 253 min 66 nəfər idi. Yaponlar
əsasən xərçəng, ürək böhranı, sətəlcəm və beyin damar xəstəlikləri
səbəbindən dünyasını dəyişir.