Ceyms Bond üçün xüsusi bölüm yaradılacaq
7 Yanvar 2013 14:28 (UTC+04:00)
Movqe.Az bildirir ki, Kinematoqrafiya
sənətləri və elmləri akademiyası, 24 fevralda keçiriləcək "Oscar"
mükafat mərasimində bu il 50 yaşını qeyd edən Ceyms Bonda xüsusi
bölüm ayrılacağını açıqlayıb. Mükafat mərasiminin prodüserliyini
boynuna götürən Kreiq Zadan və Neil Mero, ingilis yazıçı İan
Fleminqin məşhur casusu Ceyms Bondun macəralarının ağ pərdəyə
çıxmasının 50-ci il dönümü üçün xüsusi nümayiş hazırladıqlarını
söyləyiblər. Zadan və Mero, Ceyms Bond filmlərinin tarixdəki ən
uzun davamlı bir film olduğunu və qlobal bir fenomenə çevrildiyini
bildiriblər. Oktyabrda nümayiş olunan son Ceyms Bond filmi
"Skyfall", dünyada 1 milyard kassa hasilatına çataraq indiyə
qədərki ən müvəffəqiyyətli Bond filmi olub. Deniel Kreiqin üçüncü
dəfə Bond olaraq kamera qarşısına keçdiyi filmin, "Oscar"a namizəd
göstərilib göstərilməyəcəyi isə hələ bilinmir. Əvvəl "007" filmi,
yalnız texniki və musiqi kateqoriyalarında namizəd göstərilmişdi.
Xatırladaq ki, 85-ci Akademiya Mükafatlarının namizədləri yanvarın
10-u açıqlanacaq. Mükafatlar isə 24 fevralda sahiblərinə təqdim
olunacaq.