"Happy Birthday To You" üçün yarış başladı
7 Yanvar 2013 18:04 (UTC+04:00)
Movqe.Az xəbər verir ki, ad günü qeyd
edənlərin məşhur mahnısı "Happy Birthday To You" üçün yarışma
açılıb. "Happy Birthday To You"nun yerini alacaq mahnıdan TV
proqramlarında və kino filmlərində ödənişsiz olaraq istifadə
ediləcək.
Musiqi dünyasında məşhur olan "Warner Music Group" bu addımı atıb.
Bununla yanaşı yarışa məşhur "WFMU" və "Free Music Archive"
radiolarında da "Happy Birthday To You" mahnısına alternativ ola
biləcək mahnı üçün yarışma təşkil edilib. "Free Music Archive"nin
saytında yer alan xəbərə görə "Happy Birthday To You"ya alternativ
olacaq mahnı üçün 12 dekabrdan başlayan müraciətlər daxil olur və
13 yanvara qədər davam edəcək. Yarışmanın münsifi isə qazanan
mahnını 29 yanvarda açıqlayacaq.
Seçiləcək mahnının TV proqramları, kino dünyası və restoranlarda
ödənişsiz olaraq çalınması planlaşdırılır.
Bir filmdə istifadə edildiyində təxminən 10 min dollar müəllif
hüquqları üçün ödənişi edilə mahnının ticari haqqlarına 2030-cu ilə
qədər "Warner Music Group" sahib.
"Warner Music Group" 1988-ci ildə müəllif haqqlarını satın aldığı
mahnıdan bu günə qədər 2 milyon dollar qazanıb.