"Barselona" yeni rekorda doğru
9 Yanvar 2013 12:30 (UTC+04:00)
İspaniya çempionatının 18-ci turunda "Espanyol"u 4:0 hesabı ilə
yenən "Barselona" 70 il əvvəlki rekordu təkrarlayıb. Kataloniya
təmsilçisi çempionatda ardıcıl 36-cı matçını qolla başa vurub.
Sonuncu dəfə belə nailiyyət 1940-cı illərdə müəyyənləşdirilib.
Həmin vaxt "Barsa" 1942-1943-cü il mövsümünün 9-cu turundan
1943-1944-cü il mövsümünün 18-ci turunadək hər oyunda fərqlənərək,
106 qol vurub. Cari mövsümün 19-cu turunda baş məşqçi Tito
Vilanovanın komandası səfərdə "Malaqa"nı da məyus etməyi bacarsa,
əvvəlki rekordunu təzələyəcək. Qeyd edək ki, "Barselona" sonuncu
dəfə 2012-ci il yanvarın 29-da "Vilyarreal"la görüşdə qol vura
bilməyib.