"Yahoo" casusluqda ittiham olunur

5 Oktyabr 2016 15:15 (UTC+04:00)

ABŞ-ın "Yahoo" şirkəti hüquq-mühafizə orqanlarının lehinə öz istifadəçilərinə qarşı casusluq edib.

 

Movqe.az   xəbər verir ki, şirkət gizli proqram vasitəsilə istifadəçilərinin yazışmalarına nəzarət edib. "Burada əsas məqsəd Milli Təhlükəsizlik Agentliyini və Federal Tədqiqatlar Bürosunu lazımi informasiya ilə təmin etmək olub", - portal şirkətin sabiq əməkdaşlarına istinadən yazır.

 

Adlarının anonim saxlanılmasını istəyən mütəxəssislər deyir ki, şirkət rəsmi Vaşinqtonun sorğuları əsasından milyonlarla akkaunta nəzarət edib.

 

"Şirkətin menecmentində təmsil olunan bir sıra şəxslər bu cür siyasətlə razı deyildi. Nəticədə onlar yeni iş yeri axtarmağa məcbur oldu", - deyə onlar qeyd edib.

 

Yeri gəlmişkən, qalmaqalı Milli Təhlükəsizlik Agentliyinin sabiq əməkdaşı, hazırda Rusiyada mühacirətdə olan Edvard Snouden də şərh edib. O öz "Twitter" hesabı vasitəsilə hər kəsi "Yahoo"dan imtina etməyə çağırıb: "ABŞ qanunlarını kobud şəkildə pozan şirkətin hərəkətləri heç bir çərçivəyə sığmır".

 

"Yahoo" rəhbərliyi isə hər hansı şərh verməyə tələsmir./apa/