Paytaxtda istilik problemi yaranıb
10 Yanvar 2013 17:30 (UTC+04:00)
Havaların kəskin soyması paytaxtda istilik problemi yaradıb.
Bakıətrafı qəsəbələrdən Movqe.az-a verilən məlumata görə, Binəqədi,
Biləcəri, Rəsulzadə qəsəbələrinə verilən mavi yanacağın təyziqinin
aşağı düşməsi paytaxt sakinlərinə istiliklə bağlı problem yaradıb.
Paytaxta verilən mavi qazın təyziqinin aşağı düşməsi mərkəzləşmiş
istilik sistemi ilə təhciz edilən yaşayış binalarının da
isidilməsində cətinliklərə yol acıb. Binəqədi rayon, Naxcivani
kücəsinin sakinlərinin Movqe.az-a verdikləri xəbərə görə, sözügedən
ərazidə binaların isidilməsində problemlər yaranıb. Belə ki,
sakinlər mənzillərə verilən istiliyin təyziqinin aşağı olması
üzündən əlavə qızdırıcılardan faydalanmaq məcburiyyətində qalıblar.
"Azəristiliktəhcizat" ASC-nin Abonent və müştəri xidmətlərinin
rəisi Rafiq Əliyev isə bildirdi ki, qurumun nəzdindəki 420
qazanxananın hər biri işlək vəziyyətdədir: "Ola bilər ki, hansısa
rayonun ərazisində mavi qazın təyziqinin aşağı düşməsi səbəbindən
qazanxanalarda isidilmə ilə bağlı problem yarana bilər. Belə halda
dərhal "Azəriqaz" İB-ə teleqram göndərilir. Az kecməmiş həmin
əraziyə verilən mavi yanacağın təyziqində yaranmış problem aradan
qaldırılır".
ARDNŞ-nin "Azəriqaz" İstehsalat Birliyinin mətbuat xidmətinin
rəhbəri Araz Ağayev isə bildirdi ki, paytaxta verilən mavi qazın
həcmində azalma yoxdur: "Əgər hansısa rayon ərazisindən qazın
təyziqi ilə bağlı şikayət daxil olarsa dərhal bu məsələ
araşdırılır. Sizin sadaladığınız ünvanlardan edilən şikayətlər də
araşdırılacaq".