Attestat imtahanları ilə bağlı son məlumat

23 Aprel 2012 14:38 (UTC+04:00)
Attestat imtahanları ilə qəbul imtahanlarını eyniləşdirmək düzgün deyil. Lent.az-ın verdiyi məlumata görə, bunu TQDK sədri Məleykə Abbaszadə söyləyib. TQDK sədri orta məktəb məzunlarının bilik səviyyəsi barədə danışmaq istəmədiyini söyləyib: "Biz yoxlamalıyıq ki, 11-ci, 9-cu sinfi bitirən şagird nəyi bacarır. Ona görə də bu imtahanların çətinlik dərəcəsi ali məktəblərə qəbul zamanı imtahanlarda verilən sualların çətinlik dərəcəsi kimi olmayacaq. Standart suallar qoyulacaq".
TQDK sədri bildirib ki, orta məktəblərdə yekun biliyin qiymətləndirilməsi ilə bağlı hazırladıqları layihə tam elmi əsaslarla hazırlanıb: "Biz 1999-cu ildən başlayaraq hər il 30 min şagirdi yoxlamışıq və orta məktəblərdə şagirdləri qiymətləndirmə formasını müəyyənləşdirmişdik. 2010-cu ildə TQDK-nın buraxdığı jurnalda da araşdırmalar haqqında yazmışıq".