Meksikada 1,9 km-lik piroq hazırlandı
10 Yanvar 2013 17:53 (UTC+04:00)
Movqe.Az xəbər verir ki, Meksikada
şirniyyat ustaları nəhəng piroq bişiriblər. "Kral-Maqlar Günü"
münasibətilə bişirilən piroqun uzunluğu 1,9 km, ağırlığı isə 9,4
ton təşkil edib. Bu piroqun dadına baxmaq istəyən on minlərlə
Mexiko sakini nəgəng şirniyyatın qoyulduğu mərkəzi "Sokalo"
meydanına toplaşıblar. Nəhəng piroqun ilk dilimi Mexiko meri Miqel
Anxel Marseraya çatıb. 1 saat yarıma piroqun hamısı yeyilib.
Təşkilatçıların hesablamalarına görə, nəhəng piroqun dadına 200
minə yaxın adam baxa bilib.
Piroqun hazırlanmasında 2200 adam iştirak edib. Piroqun dəyəri 1,1
milyon peso, və ya 91 min dollar qiymətləndirilib.
Qeyd edək ki, "Roska de Reyes", yəni "Üç Kral Çörəyi" adlandırılan
piroq Meksikada artıq 14 ildir ki, ənənəvi olaraq hər il bişirilir.