DÇ-2018-in seçmə mərhələsi çərçivəsində baş tutan Braziliya-Boliviya matçı "Barcelona" klubunun və Braziliya yığmasının futbolçusu Neymar üçün əlamətdar olub.
Movqe.az goal.az-a istinadən xəbər verir ki, futbolçu karyerasında 300-cü qolu vurub.
O, indiyədək "Barcelona"da 95, "Santos"da 138, Braziliyanın əsas yığmasında 49, ölkənin 17, 20 və 23 yaşadək futbolçulardan ibarət millilərində isə 18 dəfə fərqlənib. Neymar əsas yığmadakı qol sayında millinin sabiq hücumçusu Zikonu geridə qoyub. Gənc forvard hazırda Pele (77 qol), Ronaldo (62) və Romarioyodan (55) geri qalır.