Sən nə etdin, Messi?!
11 Yanvar 2013 11:29 (UTC+04:00)
İspaniyanın "Barselona" klubunun argentinalı ulduzu Lionel Messi
penalti zərbəsini dəqiq vura bilmədi. Matanın zərbəsindən sonra isə
top qapı dirəyinə dəyərək yana getdi. Britaniyanın və dünyanın ən
populyar qəzetlərindən biri The Daily Mail-in idman şöbəsi Sports
İnteractive korporasiyası ilə birlikdə interaktiv matç keçirib.
"Meydan"da Daily Mail oxucularının seçdikləri "İngiltərə Premyer
Liqasının ulduzları" və FİFA-nın seçdiyi "İlin ən yaxşı 11-liyi"
vardı. Komandalar belə idi: İngiltərə Premyer Liqasının ulduzları:
Co Hart, Vinsen Kompani, Nemanya Vidiç, Branislav İvanoviç, Leyton
Banyes, Yaya Ture, Maruan Fellaini, Xuan Mata, Qaret Beyl, Luis
Suareş, Robin van Persi İlin ən yaxşı 11-liyi: İker Kasilyas,
Xerard Pike, Serhio Ramos, Dani Alveş, Marselo, Xabi Alonso, Xavi,
Kriştiano Ronaldo, Andres İnyesta, Lionel Messi, Radamel Falkao.
Matç İngiltərə Premyer Liqasının yığmasının 0:2 hesablı
məğlubiyyəti ilə başa çatıb. Maraqlıdır ki, 24-cü dəqiqədə Messi
penalti zərbəsini vura bilməyib və bu zaman redaksiyadakı
jurnalistlər: "Sən nə etdin, Messi?!" - qışqırıblar. Oyunun ən
yaxşı futbolçusu isə 8,5 bal reytinqlə İker Kasilyas seçilib.
Argentinalı futbolçu Lionel Messi İspaniyanın "Barselona" klubunda
geyindiyi 10 nömrəli formanı əfsanəvi almaniyalı hücumçu Gerd
Müllerə hədiyyə edib. Messi futbolkaya avtoqrafını qoyub. O,
həmçinin ötən il arxada qoyduğu bombardirin ünvanına xoş sözlər
yazıb. Qeyd edək ki, 4-cü dəfə dünyanın ən yaxşı futbolçusu
seçilmiş Lionel Messi ötən il 91 top vuraraq, Gerd Müllerə məxsus
85 qol rekordunu təzələyib.