"Qarabağ" Antalyada ilk məşqinə çıxdı
11 Yanvar 2013 13:16 (UTC+04:00)
Təlim-məşq toplanışı üçün Antalyaya yollanan "Qarabağ" klubu
Türkiyədə ilk məşqinə çıxıb. Qış təlim-məşq toplanışına bu gün
start verən "Qarabağ" məşqə yerli vaxtla 11:00-da çıxıb. Hazırlıqda
"Qarabağ"ın bütün futbolçuları iştirak edib. Sadəcə baş məşqçidən
icazə alan Riçard Almeyda təlim-məşq toplanışına 2 gün sonra
qoşulacaq. Hazırlıq öncəsi Qurban Qurbanov futbolçularla qısa
söhbət edib. Q.Qurbanov təlim-məşq toplanışından yaxşı
yararlanmağın vacibliyini vurğulayaraq hər bir futbolçudan maksimum
çalışma əzmini gözlədiyini ifadə edib. "Qarabağ"ın səhər çalışması
bir saat çəkib. Yüngül qaçışın ardından isinmə hərəkətləri edən
komanda "kvadrat" oynamaqla kifayətlənib. Qeyd edək ki, "Qarabağ"ın
ikinci məşqi yerli vaxtla 17:00-a nəzərdə tutulub.